SHALOM. NTUGACIKE INTEGE!
Ibikugerageza ntibizavaho ariko ntgakuke umutima kuko si ubu bitangiye.
Ababaye intwari banyuze aho unyura ubu.
Ntukabarebe ngo ugire ngo gutsinda byabo byavuye ku busa. Komera rero kandi uhorane imbaraga zo kugera kure kandi heza. Imana ikumurikire maze umugisha wayo uguhoreho.
Kibondo cyanjye nguhaye umugisha wa kibyeyi.
Urakabaho.
Sr Immaculée Uwamariya
(28/10/2024)

---

SHALOM. MWOROHERANE!
Burya urukundo rugira iburugaragaza.
Kwiyoroshya no kureka undi akaba we ni ubutwari. Usanga hari igihe abantu bitera hejuru hakabura umanuka. Nyamara induru n’amahane ntibikemura ibibazo.
Nushaka gutera intambwe ujya imbere uge wiga no kuberereka aho biri ngombwa.
Urukundo rutigomwa ntiruba ruriho.
Imana ikumurikire kandi umugisha wayo uguhoreho.
Urakabaho.
Tuzirikane amasomo yo ku wa 29/10/2024
Ef 5, 21-33
Zab 144
Lk 13, 18-21
Sr Immaculée Uwamariya