FAES ni Umuryango ushingiye ku idini ukaba uhuza abemera bo mu nzego zitandukanye z’ubuzima bashaka kwishyira hamwe bashinze imizi mu buzima bwa gikirisitu n’iyogezabutumwa muri kiliziya gatolika no hanze yayo, cyane cyane hagamijwe guteza imbere umuryango. FAES ifasha ingo binyuze mu gusangira ubuzima bwa kivandimwe ndetse bagashimangira ubuzima bwabo bwa roho bigana urugero rwa Papa Yohani Pawulo wa II ndetse n’umuryango mutagatifu w’i Nazareti. Faes itanga inyigisho ku bibazo byose bireba umuryango. Ntiheza idini na rimwe kuko ikigamijwe ni ugufasha urugo kuba igicumbi gihoraho cy’umunezero.

Ibisabwa uwifuza kuba muri FAES

• Kuba ushaka kubaka urugo rwiza
• Kuba witeguye kumvira no kwitangira ubutumwa bwa Faes
• Kuba wemera gukurikiza amategeko y’umuryango
• Kwitabira gahunda za Faes akaba zigahabwa umwanya w’ibanze
• Kuva ugeze muri Faes, kwihatira kuba ikitegererezo
• Kwandika ubisaba hakarebwa niba bishoboka
• Twakira ibyiciro byose : abashakanye, ababyeyi bibana, urubyiruko n’abana

• Gusenga no kubakira urugo kuli Kristu ;
• Kuganira ku bashakanye (temps couple) ;
• Gufashanya kugirango ingo zibeho zifite amizero;
• Kurera abana neza mu nzira z’ubukristu no mu migenzo myiza ;
• Kwamamaza urukundo rw’Imana mu ngo z’abashakanye
• Kwigisha abitegura kurushinga ;
• Guteza imbere ubumuntu, ubuzima bwa roho, umuryango ndetse n’ubumwe ;
• Gushaka inzira zose abashakanye bavugiramo ibibazo bakanahashakira ibisubizo kubyo bibaza,
• Gufasha ababyeyi bibana bakaba bagira gahunda ihoraho ibafasha kwiyumva muli sosiyete ;
• Gufasha urubyiruko n’abana mu nzira ya gikrstu.

FAES iha abanyamuryango umwanya ukwiye kandi uhoraho wo kwihugura kugirango barusheho kubaka ubuvandimwe no kwamamaza ubutumwa hagamijwe iterambere ry’ubukristu mu ngo hakoreshejwe uburyo bushoboka kandi bunoze bwo kwigisha. FAES inoza iby’imibereho mu muryango, yubahiriza intego yihaye.

Ni muri iyo nzira yo guhugura iteganya:

• Umunsi umwe mu kwezi w’ibiganiro-mpaka hagamijwe gusangira ubuzima mu matsinda afasha guteza imbere ingo;
• imyiherero y’igihe kirekire itangirwamo inyigisho n’ubuhamya byubaka.
• Guhura bagahabwa inyigisho n’abandi bafatanyabikorwa ba FAES, cyangwa andi matsinda n’imiryango ifite ingamba zo guteza imbere umuryango.
• Imyiherero iba buri mwaka igamije kubaka mu banyamuryango ubuzima burambye bwa roho, kugirango barusheho kwitagatifuza no gutagatifuza imbaga y’imana muri rusange.